D Agenda und de Veker

Vor etwa dreissig Jahre schrieb ich eine Anzahl von Märchen und Geschichten auf Schweizerdeutsch. Ich veröffentliche sie hier unter dem Label "Märli fum Ferdi".

" I bi jez - do - jez - do - jez - do ...", het de Veker for sich ane gmurmlet.

"Da isch denk alles, vu du veisch!" het d Agenda gspötlet, doch de Veker het viter gmurmlet: "Jez - do - jez - do - jez - do."

"Dubel!" het d Agenda gseit und het sich nüm mit em Veker abge. Si het über di nechste Täg nochedenkt.

"Morn isch Mitvuch, de 4. Januar", het si denkt. "Am Nüni mues mer im Architekt alüte und z Obe am Föifi s Auto väsche. Am Morge verde zvöi Akteschränk is Büro gliferet. Drum mues mer zerst s alte Büechergstel usrume und s in Estrich träge, das di nöie Schränk plaz händ." D Agenda het de Tagesablauf no einisch prüeft und het zfride gseit: "Da söt klape, oder vie vürdisch du de Tag iteile, Veker?"

"I bi jez - do - jez - do", het de nume gseit.

Vuche und Mönet sind ferflosse. Durend het d Agenda über Morn und Übermorn nochedenkt. Znacht, ven si for luter denke nid het köne schlofe, sind iri Gedanke zu de fergangene Täg, Vuche und Mönet gvanderet, zrug bis zum 1. Januar. Vas for em 1. Januar gsi isch, het d Agenda nid gvüst, den für die Täg het si kei Site gha.

"He, Veker, du muesch es doch vüsse vies den gsi isch. Ferzel mer echli!"

Und de Veker het ferzelt: "I bi jez - do - jez - do - jez - do."

"Dini Gschicht isch nid ser ufschlusrich", het d Agenda gseit, "aber zum Ischlofe hilfts." Und d Agenda het ufghört grüble und isch igschlofe.

Schu isch Vienachte ferbi gsi. Sektfläsche sind kauft vorde für Silvester. D Agenda het sich glangvilet. Si het nüm id Zuekunft gse, den si het ke leri Bleter me gha. Si het zum Veker gschilet und het denkt: "Ob de ächt veis, vies viters got?"

D Nöijorsgloge händ glütet. Nebem Veker isch en anderi Agenda glege. Si het de 1. Januar zeigt. Di alti Agenda isch im Büechergstel gstande und het sich as alte Jor erineret. Si het in Erinerige gschvelgt und het ferlorene Stunde und ferpaste Glegeheite nochetruret. Mängisch het si durs Zimer gluegt, aber si het d Velt nüm ferstande, si het ke Site me gha fürs nöie Jor.

Unberüert fu de Zit het de Veker gmurmlet: "I bi jez - do - jez - do - jez - do."